Posts from the ‘1.4 მემორანდუმები’ Category

მემორანდუმები 2010

2010 წლის 25 იანვარს სსიპ ივ. ჯავახიშვილის ისტორიისა და ეთნოლოგიის ინსტიტუტსა და ისტორიის პედაგოგთა საქართველოს ასოციაციას შორის გაფორმდა ურთიერთთანამშრომლობის მემორანდუმი. მხარეები მიზნად ისახავენ სამეცნიერო და პედაგოგიური პოტენციალის სრულად გამოყენების შესაძლებლობას ახალგაზრდა თაობების ისტორიული განათლებისა და ისტორიის პედაგოგების დახელოვნების სფეროში. მხარეები ხელს შეუწყობენ თანასწორუფლებიანი თანამშრომლობის განვითარებას ისტორიის მიმართულებით ორ სუბიექტს შორის ისტორიული განათლებისა და მეცნიერული კვლევის სფეროში.

“ასოციაცია” უზრუნველყოფს:
– ერთობლივი პროექტების მომზადებას ისტორიის სასკოლო სწავლების დონის ამაღლების მიზნით
– “ასოციაციის” წევრების მონაწილეობას საქართველოში ისტორიის სწავლების თანამედროვე დიდაქტიკური მეცნიერების შექმნასა და განვითარებაში
– “ასოციაციის” წევრების მონაწილეობას ისტორიის სახელმძღვანელოების კვლევის ეროვნული და, პერსპექტივაში, სამხრეთ კავკასიის ცენტრის დაარსებაში
– “ასოციაციის” წევრების ჩართვას ისტორიის სასკოლო სახელმძღვანელოების შექმნისა და ექსპერტიზის საქმეში
– “ასოციაციის” წევრების მონაწილეობას ისტორიის პედაგოგთა პროფესიულ გადამზადებაში
– “ასოციაციის” საბიბლიოთეკო ფონდით სარგებლობას “ინსტიტუტის” მეცნიერ–თანამშრომლებისათვის
– “ასოციაციის” არსებულ და მომავალ საერთაშორისო და ეროვნულ პროექტებში “ინსტიტუტის” მეცნიერ–თანამშრომელთა ჩართვას
– “ასოციაციის” შუამავლობას ევროპულ პროფესიულ ასოციაციებსა და (ევროკლიო და მასში შემავალი ევროპისა და მსოფლიოს სხვა რეგიონების ისტორიის
პედაგოგთა სამოცდაოთხი ორგანიზაცია) სხვა ინსტიტუტებთან გამოცდილების გაზიარების, “ინსტიტუტის” მეცნიერ–თანამშრომელთა სტაჟირებისა და
საერთაშორისო კონფერენციებში მონაწილეობის მიზნით
– სკოლის პედაგოგების ისტორიის სფეროში სამეცნიერო კვლევებისადმი ინტერესის გაღვივებასა და მათ ჩარტულობას ამ კვლევებში
– მუზეუმების, ისტორიულ–ეთნოგრაფიული, არქეოლოგიური ცენტრების დაკავშირებას განათლების სისტემასთან

“ინსტიტუტი” უზრუნველყოფს:
– “ინსტიტუტის” მეცნიერ–თანამშრომელთა მონაწილეობას საქართველოში ისტორიის სწავლების თანამედროვე დიდაქტიკური მეცნიერების შექმნასა და
განვითარებაში
– “ინსტიტუტის” მეცნიერ–თანამშრომელთა მონაწილეობას ისტორიის სახელმძღვანელოების კვლევის ეროვნული და, პერსპექტივაში, სამხრეთ კავკასიის
ცენტრის დაარსებაში
– “ინსტიტუტის” მეცნიერ–თანამშრომელთა ჩართვას ისტორიის სასკოლო სახელმძღვანელოების შექმნისა და ექსპერტიზის საქმეში
– “ინსტიტუტის” მეცნიერ–თანამშრომელთა მონაწილეობას ისტორიის პედაგოგთა პროფესიულ გადამზადებაში
– “ინსტიტუტის” საბიბლიოთეკო ფონდით სარგებლობას “ასოციაციის” წევრებისათვის

მემორანდუმები 2007 – 2008 წწ.

1. საქართველოს თავდაცვის მინისტრიის 2007 წლის 26 ნოემბრის N740  
  ბრძანების საფუძველზე, საქართველოს შეიარაღებული ძალების სამხედრო 
  მოსამსახურეთა, კურსანტთა და მსმენელთა ეროვნულ-სახელმწიფოებრივი და   
  სამხედრო პატრიოტული თვითშეგნების ამაღლებისა და საერთო 
  საგანმანათლებლო პროცესის მაღალ დონეზე წარმართვის მიზნით,
  საქართველოს თავდაცვის სამინისტროსა და სსიპ ივ. ჯავახიშვილის
  ისტორიისა და ეთნოლოგიის ინსტიტუტს შორის დაიდო ურთიერთგაგების
  მემორანდუმი. ინსტიტუტს დაევალა მოამზადოს საგანმანათლებლო სერია – 
  “მეომრის ბიბლიოთეკა”, რომელშიც შევა პოპულარული ნარკვევები
  საქართველოს ისტორიისა და კულტურის, ქართველი მეფეების,
  მხედართმთავრების, საქართველოს სამხედრო და საზღვაო საქმის ისტორიის,
  მსოფლიოს გამოჩენილი მხედართმთავრებისა და სხვა ისტორიული  
  მოვლენების შესახებ; აგრეთვე საბრძოლო მოქმედებათა რუკების შედგენა და
  სალექციო კურსის წაკითხვა სამხედრო მოსამსახურეთათვის.
2. 2008 წლის 5 თებერვალს ივ. ჯავახიშვილის სახელობის თბილისის  
  სახელმწიფო უნივერსიტეტსა და ივ. ჯავახიშვილის ისტორიისა და 
  ეთნოლოგიის ინსტიტუტს შორის დაიდო ურთიერთთანამშრომლობის
  მემორანდუმი, რომელიც ითვალისწინებს ინსტიტუტის მეცნიერ-
  თანამშრომელთა საჯარო ლექციების წაკითხვას უნივერსიტეტში, მათი
  სამეცნიერო შრომების პოპულარიზაციას როგორც უნივერსიტეტში, ასევე მის
  პარტნიორ უნივერსიტეტებში; სტუდენტთა მომზადებას ბაკალავრიატის
  ეტაპზე; მაგისტრანტებისა და დოქტორანტების უზრუნველყოფას სამეცნიერო
  ბაზითა და ხელმძღვანელობით; აგრეთვე ერთობლივი სამეცნიერო პროექტების
  განხორციელებას.
3. 2008 წლის 25 თებერვალს ივ. ჯავახიშვილის ისტორიისა და  ეთნოლოგიის
  ინსტიტუტსა და ქუთაისის აკაკი წერეთლის სახელმწიფო უნივერსიტეტს
  შორის დაიდო ურთიერთთანამშრომლობის მემორანდუმი, რომელიც
  ითვალისწინებს ინსტიტუტის მეცნიერ-თანამშრომელთა საჯარო ლექციების
  წაკითხვას უნივერსიტეტში, მათი სამეცნიერო შრომების პოპულარიზაციას 
  როგორც უნივერსიტეტში, ასევე მის პარტნიორ უნივერსიტეტებში; სტუდენტთა
  მომზადებას ბაკალავრიატის ეტაპზე; მაგისტრანტებისა და დოქტორანტების
  უზრუნველყოფას სამეცნიერო ბაზითა და ხელმძღვანელობით; აგრეთვე ერთობლივი
  სამეცნიერო პროექტების განხორციელებას.
 4. 2008 წლის 5 მაისს ივ. ჯავახიშვილის ისტორიისა და  ეთნოლოგიის
   ინსტიტუტსა და იაკობ გოგებაშვილის სახელობის თელავის სახელმწიფო
   უნივერსიტეტს შორის დაიდო ხელშეკრულება თანამშრომლობის შესახებ,
   რომელიც ითვალისწინებს: მოეწყოს ერთობლივი სამეცნიერო კონფერენციები,
   სამეცნიერო კვლევითი სამუშაოები; მოხდეს ინსტიტუტისა და უნივერსიტეტის
   მეცნიერთა შრომების პოპულარიზაცია. 

  1. 5.  2008 წლის ივლისში სსიპ ივანე ჯავახიშვილის ისტორიისა და ეთნოლოგიის ინსტიტუტსა და საქართველოს უნივერსიტეტს შორის 5 წლის ვადით დაიდო ურთიერთთანამშრომლობის მემორანდუმი, რომელიც ითვალისწინებს:
    • საქართველოს უნივერსიტეტის ჰუმანიტარულ მეცნიერებათა სკოლის ბაკალავრების, მაგისტრანტებისა და დოქტორანტებისათვის ხელშეწყობას, რათა მათ ხელი მიუწვდებოდეთ ისტორიის ინსტიტუტის წიგნად და საარქივო ფონდებზე.
    • ინსტიტუტის მონაწილეობას საქართველოს უნივერსიტეტის ჰუმანიტარულ მეცნიერებათა სკოლის სამეცნიერო მუშაობასა და კვლევებში.
    • ერთობლივი სასწავლო პროგრამების შემუშავებას; საბაკალავრო, სამაგისტრო და სადოქტორო პროგრამების გაუმჯობესების მიმართულებით თანამშრომლობას.
    • საუკეთესო სტუდენტებისა და მაგისტრანტების ინსტიტუტში სტაჟირებას.
    • ერთობლივი სამეცნიერო კონფერენციების, წიგნების პრეზენტაცია-განხილვების მოწყობას.

 

    6.  2008 წლის 13 ნოემბერს სსიპ ივანე ჯავახიშვილის ისტორიისა და ეთნოლოგიის ინსტიტუტსა და მოლდავეთის მეცნიერებათა აკადემიის ისტორიის ინსტიტუტს შორის გაფორმდა სამეცნიერო თანამშრომლობის 5 წლიანი ხელშეკრულება, რომელიც ითვალისწინებს: მხარეთა მონაწილეობას ერთობლივ სამეცნიერო, სამეცნიერო-კვლევით და საგანმანათლებლო პროექტებში; აგრეთვე სამეცნიერო კადრების მომზადებას. თანამშრომლობის ძირითადი მიმართულებებია:

  • სამეცნიერო კვლევების განხორციელება ერთობლივი ინტერესების სფეროში.
  • სპეციალისტთა გაცვლა სტაჟირებისა და ლექციების წაკითხვის მიზნით.
  • ასპირანტთა, მაგისტრანტთა და დოქტორანტთა სადისერტაციო კვლევების ხელმძღვანელობა მეორე მხარის მეცნიერთა მიერ.
  • სამეცნიერო-პედაგოგიური კადრების მომზადება, გადამზადება და კვალიფიკაციის ამაღლება.
  • ერთობლივი საგამომცემლო და საგანმანათლებლო პროექტები.
  • სამეცნიერო და სამეცნიერო-მეთოდური ლიტერატურის გაცვლა.
  • მხარეთა სამეცნიერო და სამეცნიერო-პოპულარულ გამოცემებში სტატიების გაცვლითი პუბლიკაცია.